../ IS  
Útgefið gæðaskjal: Vinnulýsing
Skjalnúmer: LSH-3349
Útg.dags.: 03/07/2022
Útgáfa: 6.0
25.00.01.07 COVID-19 - andlát

Útgáfa 6: breytingar gular
    Hide details for TilgangurTilgangur
    Að lýsa verklagi við andlát þegar sjúklingur er með COVID-19 og heimsókn aðstandenda.
    Hide details for Efni og áhöldEfni og áhöld
    • Morsbakki með hjálpargögnum við umbúnað
    • Elikapoki og línpoki
    • Einnota hárþvottahetta ef þörf er á
    • Vatnsheldur líkpoki ef hætta er á líkamsvessamengun (mikill leki frá líki). Líkpokar eru pantaðir frá birgðastöð í gegnum Orra. Vörunúmer 1051984.
    • Tuska og Virkon 1% lausn
    Hide details for FramkvæmdFramkvæmd
      Hide details for Heimsóknir í aðdraganda andláts og eftir andlátHeimsóknir í aðdraganda andláts og eftir andlát
      • Heimilt er að veita undanþágu frá reglum um heimsóknarbann til inniliggjandi sjúklinga með COVID-19 við sérstakar aðstæður eins og t.d. ef sjúklingur er alvarlega veikur, í aðdraganda andláts og þegar um börn er að ræða (1). Sjónarmið um velferð sjúklings og fjölskyldu hans eru höfð að leiðarljósi við ákvörðun um hvort undanþága er veitt.
      • Deildarstjóri, yfirlæknir, vaktstjóri, hjúkrunarfræðingur eða læknir sjúklings tekur ákvörðun um heimsókn ættingja og skipuleggur hana.
        ATHUGIÐ!
      • Heimsókn er skipulögð með ættingjum áður en andlát verður ef hægt er að koma því við og tímamörkum hliðrað ef þörf er á.
      • Þegar skipulag heimsóknar liggur fyrir lætur starfsmaður deildar gest/gesti vita klukkan hvað heimsókn er en það er á ábyrgð deildar að tryggja örugga móttöku og brottför gests.
      • Heimsóknargestir þurfa að klæðast sama hlífðarbúnaði og starfsmenn hjá sjúklingi.
      • Covid jákvæður einastklingur á heimili gests: Gesturinn þarf að vera með fínagnagrímu á leið inn og út af spítalanum og hreinsa hendur.
      • Gestum með staðfest COVID-19 smit er heimilt að vera án hlífðarbúnaðar inni hjá sjúklingi, í samráði við hjúkrunarfræðing en þurfa að klæðast hlífðarbúnaði (fínagnagríma án ventils og spritta hendur) á leið inn og út af deild.
      • Gestur sem er útsettur fyrir Covid/með einkenni um COVID-19/staðfest COVID-19 má ekki koma í heimsókn á sama tíma og aðrir aðstandendur.

      Ef Covid jákvæður einstaklingur er á heimili gests, gestur er með einkenni eða staðfest COVID-19 þarf að tryggja örugga aðkomu, brottför og réttan hlífðarfatnað við inngang.
      Fylgt er leiðbeiningum um COVID-19 - komur sjúklinga og gesta á Landspítala.
      Hver deild velur öruggustu leiðina og metur hvort þörf er á aðkomu öryggisvarða.
      Hide details for Eftir andlát og flutningurEftir andlát og flutningur
      1. Fylgt er verklagi um andlát.
      2. Hjúkrunarfræðingur og sjúkraliði sinna umönnun hins látna skv. verklagi Embættis landlæknis. Athugið að ekki er þörf á líkpokum nema hætta sé á líkamsvessamengun frá líkinu og hefðbundinn frágangur með lökum er nægur til að rjúfa snertismitsleiðina og flytja má líkið í kæligeymslu stofnunarinnar. Flutningur líks í kæligeymslu er á hefðbundinn hátt, spritta þarf snertifleti á líkvagni þegar hann er tekin úr herbergi sjúklings/deilda, hreint lak er sett yfir líkið þegar búið er að spritta snertifleti vagns, ekki er þörf á því að loka leiðum.
      3. Aðstandanda er boðið upp á kveðjustund með hinum látna. Boðið er að fá prest/djákna til að veita stuðning á sorgarstundu eftir því sem aðstæður bjóða upp á.

      Upplýsingar til aðstandenda
      Fylgt er verklagi um Andlát - stuðning og upplýsingargjöf til aðstandenda þar sem afhendingu dánarvottorða er lýst.

      Andlát á legudeild eða gjörgæsludeild
      • Hjúkrunarritari hringir í læknaritara sérgreinar á dagvinnutíma, tilkynnir um andlát og gefur upp kennitölu.
      • Ef sjúklingur andast á gjörgæsludeild er hjúkrunarritari á þeirri sérgrein sem sjúklingur er skráður á upplýstur.
      Útfararþjónusta
      Aðstandendur velja og hafa samband við útfararstofu sem kemur og sækir líkið og flytur í líkgeymslu.

      Fræðsluefni
      Aðstandendum er afhent fræðsluefni: Andlát ástvinar (þar eru m.a. upplýsingar um útfararþjónustu), sorg og sorgarviðbrögð og réttindi vegna andláts: Upplýsingar um félagsleg réttindi fyrir eftirlifendur fullorðinna einstaklinga og sálgæslu presta og djákna.

      Tilkynning andláts til sóttvarnalæknis:
      Farsóttanefnd ber ábyrgð á að tilkynna andlát sjúklings sem hefur greinst með COVID-19 30 dögum fyrir andlát eða ljóst er að andlát má beinlínis rekja til COVID-19 sýkingar, til sóttvarnalæknis. Það er gert á öruggan hátt gegnum gagnaskil og fylgt leiðbeiningum sem eru á Teams svæði farsóttanefndar.

    Hide details for HeimildirHeimildir
    1. Með samþykki sóttvarnalæknis, Þórólfs Guðnasonar skv. símtali 30. október 2020 kl. 10 við Má Kristjánsson formann farsóttanefndar.

Ritstjórn

Ásdís Elfarsdóttir
Berglind G Chu
Ingunn Steingrímsdóttir - ingunnst

Samþykkjendur

Ásdís Elfarsdóttir

Ábyrgðarmaður

Ásdís Elfarsdóttir

Útgefandi

Ásdís Elfarsdóttir

Upp »


Skjal fyrst lesið þann 04/02/2020 hefur verið lesið 1506 sinnum