../ IS  
Útgefið gæðaskjal: Verklagsregla
Skjalnúmer: LSH-3363
Útg.dags.: 11/01/2020
Útgáfa: 3.0
27.00.01.08 COVID-19 - einangrun aflétt

    3. útg. Breyting á skilmerkjum fyrir inniliggjandi sjúklinga um hvenær má aflétta einangrun. Breyting á skráningu í snjókorn Sögu.
    Hide details for TilgangurTilgangur
    Að lýsa hvenær má aflétta einangrun hjá sjúklingum með COVID-19 á legudeildum Landspítala og hjá sjúklingum í eftirliti á COVID-19 göngudeild.
    Hide details for Hver framkvæmir og hvenærHver framkvæmir og hvenær
    Læknir á deild í samráði við smitsjúkdómalækni eða meðhöndlandi lækni í COVID-19 teymi eins og lýst er í framkvæmd.
    Hide details for FramkvæmdFramkvæmd
    Merking í snjókorn Sögu er tengd skráningu Almannavarna og birtist eða hverfur í samræmi við uppfærslu á grunni Almannavarna.

    Einangrun aflétt hjá inniliggjandi sjúklingi með COVID-19
    Ábyrgur læknir afléttir einangrun hjá sjúklingi. Eftirfarandi skilyrðum þarf að vera fullnægt:
    • Að lágmarki eru liðnir 14 dagar frá upphafi veikinda og síðustu 7 dagana er sjúklingur hitalaus, með batnandi öndunarfæraeinkenni en hafa ber í huga að hósti getur verið til staðar í lengri tíma.
    • Eftir það þarf tvö öndunarfærasýni í PCR með 48 klst. millibili sem bæði þurfa að vera neikvæð fyrir COVID-19 eða sjúklingur kominn með mælanleg mótefni gegn COVID-19.
    • Ef veikindi voru alvarleg, miklar lungnabreytingar eða sjúklingur er ónæmisbældur, er einnig fengin ráðgjöf frá smitsjúkdómalækni.
    Ekki þarf að viðhafa sérstaka varúð í umgengni við viðkvæma einstaklinga eins og eldra fólk og einstaklinga með undirliggjandi ónæmisbælandi sjúkdóma þegar tvö neikvæð sýni fyrir COVID-19 liggja fyrir eða sjúklingur komin með mælanleg mótefni gegn COVID-19.

    Þegar einangrun hefur verið aflétt er fer sjúklingur í sturtu/ bað og hrein föt á meðan herbergi er þrifið. Rúm er sótthreinsað og búið upp með hreinni sæng og kodda. COVID þrif eru pöntuð í beiðnakerfi á innri vef Landspítala og taka þau um 30 mínútur. Flytja má sjúkling á aðrar deildir Landspítala, útskrifa á aðra stofnun eða heim.

    Einangrun aflétt hjá sjúklingi í eftirliti hjá COVID-19 teymi
    Starfsmenn COVID göngudeildar útskrifar sjúkling í útskriftarsímtali. Til að aflétta megi einangrun þarf sjúklingur að uppfylla eftirfarandi skilyrði og staðfesta þau í samtali við starfsmann:
    • 14 dagar eru liðnir frá upphafi veikinda og þar af eru síðustu 7 dagarnir einkennalausir. Stysti tími einangrunar eru 14 dagar frá upphafi veikinda/greiningar.
    • Almennt hraustir einstaklingar með engin eða væg einkenni geta útskrifast úr einangrun ef komnir eru a.m.k. 10 dagar frá greiningu/jákvæðu sýni og þeir hafa verið alveg einkennalausir í a.m.k. 3 daga. Hverjir uppfylli þessi skilyrði er metið af starfsmönnum COVID göngudeildar í hverju tilfelli. Sjá nánar á heimasíðu sóttvarnalæknis.

    Starfsmaður COVID göngudeildar leiðbeinir sjúklingi um að í tvær vikur eftir að einangrun hefur verið aflétt er nauðsynlegt að:
    • Huga sérstaklega vel að handþvotti og hreinlæti.
    • Forðast umgengni við viðkvæma einstaklinga svo sem eldra fólk og einstaklinga með undirliggjandi ónæmisbælandi sjúkdóma.

    Endurkoma til vinnu hjá heilbrigðisstarfsmanni
    Heilbrigðisstarfsmaður má ekki sinna ónæmisbældum eða öldruðum í tvær vikur eftir að einangrun er aflétt.
    Óska má eftir vinnuframlagi heilbrigðisstarfsmanns á því tveggja vikna tímabili t.d. við að:
    • Sinna COVID-19 smituðum á legudeild
    • Vinna á göngudeild COVID-19 í Birkiborg
    • Vinna önnur verkefni sem yfirmaður felur starfsmanni


    Fara aftur í verklagsreglu: COVID-19 - sýkingavarnir
    Tengd skjöl: COVID-19 - handbók


Ritstjórn

Ásdís Elfarsdóttir
Anna María Þórðardóttir
Lovísa Björk Ólafsdóttir - lovisao
Ólafur Guðlaugsson
Ingunn Steingrímsdóttir - ingunnst

Samþykkjendur

Ábyrgðarmaður

Ásdís Elfarsdóttir

Útgefandi

Anna María Þórðardóttir

Upp »

Skjal fyrst lesið þann 04/15/2020 hefur verið lesið 1168 sinnum