Tilgangur og ábyrgð
Að lýsa pökkun og merkingu lífsýna og smitefnis fyrir flutning milli landshluta eða landa.
Vinnulýsingin tekur til þess tíma frá því að innihald sendingar er skilgreint og þar til sendingin fer frá Landspítala.
Framkvæmt af ábyrgðaraðilum sýnasendinga á deildum Rannsóknaþjónustu.
Flokkar smitefnis
Smitandi efni - flokkur A UN 2814 og UN 2900
Sýklagróður og sjúklingasýni sem geta valdið varanlegu heilsutjóni eða dauða í heilbrigðum einstaklingum/dýrum sem gætu komist í snertingu við sýklana meðan á flutningi stendur.
Sjúklingasýni eru ekki í flokki A nema þau geti innihaldið ákveðna sýkla sjá viðauka. Við mat á flokkun sjúklingasýna í þennan flokk er tekið tillit til sjúkrasögu og einkenna, faraldsfræðilegra þátta á viðkomandi stað eða faglegs mats á einstökum tilvikum. Þegar vafi leikur á um hvort smitefni skuli falla í flokk A eða B, er flokkur A valinn.
Dæmi (sjá nánar í viðauka):
- Bakteríur: Bacillus anthracis, C. botulinum, E. coli verotoxigenic, M. tuberculosis, Shigella dysenteriae type 1.
- Veirur: Hepatitis B veira (ræktir), Herpes B veira (ræktir), HIV veira (ræktir), mjög meinvirk fuglaflensuveira.
Smitandi efni - flokkur B UN 3373
Gróður og mögulega smitandi sjúklingasýni sem tilheyra ekki flokki A. Dæmi:
- Bakteríur: H. influenzae, N. meningitides, Salmonella spp, S. pneumoniae, sveppir (allir nema Coccidioides), allar Mycobakteríur (aðrar en M. tuberculosis).
- Veirur: enteroveirur, influensuveirur A og B
- Öll sjúklingasýni, sermi þar með talið, nema talið sé að þau geti innihaldið ákveðnar veirur sbr.viðauka um flokk A.
Pökkun smitefnis í flokki A: UN 2814 og UN 2900
Leyfilegt magn í einum pakka
Lífsýni fer með fraktvél: 4 l af vökva eða 4 kg af föstu efni í pakka.
Ef magnið er meira er því skipt í fleiri pakka.
Pökkun
- Gróður/sýni er í vatns- og lekaheldu íláti (fyrsta ílát), merkt með auðkenni sýnis eða sjúklings.
- Ílátið er vafið inn í efni s.s. pappír eða bómull sem getur tekið í sig allan vökva ef ílát brotnar eða lekur. Ef hentar má setja fyrsta ílát í rennilásapoka (e. ziplock) og nota bóluplast sem fylgir sendingarsetti.
- Fyrsta ílát er sett í hlífðarhólk (annað ílát) sem merktur er með UN númeri og Class 6.2 (smitandi efni). Endurnota má ómengaðar umbúðir (1). Setja má fleiri en einn sýnapinna eða glös í sama hlífðarhólk og eru þau þá vafin með uppsogandi efni og tryggt að þau séu aðskilin hvert frá öðru.
- Hlífðarhólkur er settur í ytri umbúðir*. Endurnota má ómengaðar umbúðir (1). Umbúðirnar eru með a.m.k. eina hlið sem er 10 x 10 cm að flatarmáli.
- Ef innihald fyrsta íláts er > 50 ml þurfa að vera tvær “upp” örvar á ytri umbúðum og fyrsta ílát að snúa í sömu átt.
- Beiðni með eftirfarandi upplýsingum er sett í þar til gert hólf í ytri umbúðunum.
- Auðkenni sjúklings/sýnis
- Tegund sýnis
- Rannsókn sem beðið er um
- Sendandi og viðtakandi
- Blað með upplýsingum um innihald, svo sem fjöldi glasa, heildarrúmmál, greiningarpróf sem óskað er eftir, sendanda og móttakanda er límt utan um hlífðarhólkinn. Sjá skjal hér neðar.
- Ytri umbúðir eru merktar með (sumt er forprentað):
- Viðtakandi (consignee, receiver): fullt nafn stofnunar, heimilisfang og nafn og beint símanúmer tengiliðs (með landsnúmeri)
- Sendandi (consignor, shipper): fullt nafn stofnunar, heimilisfang og nafn og beint símanúmer tengiliðs (með landsnúmeri)
- Nafn og sími ábyrgðaraðila sem gefur upplýsingar ef neyðarástand skapast vegna sendingar.
- Flutningsheiti (innihaldslýsing): miði: Infectious substance affecting humans, UN2814, Infectious substance affecting ANIMALS ONLY, UN2900.
- “Infectious substance” merki, (hvítur með þrem hringjum í efra horni og 6.2 í neðra horni). ATH. að nota merkið sem kemur með kassanum og líma á þartilgerðan reit.
- Ef flutningsaðili gerir kröfu um að ytri umbúðir séu settar í plastumslag er það merkt með:
- Flutningsheiti (innihaldslýsing): miði: Infectious substance affecting humans, UN2814, Infectious substance affecting ANIMALS ONLY, UN2900.
- “Infectious substance” merki, (hvítur með þrem hringjum í efra horni og 6.2 í neðra horni). Sjá skjal - Límmiðar á efni og úrgang
- Fylgiskjöl eru sett í hólf á ystu umbúðum eða látnar fylgja með kassa ef ystu umbúðir eru ekki notaðar. Fylgiskjölin eru:
- Listi yfir innihald (proforma invoice).
- Farmbréf. Sjá vef DHL
- Innflutnings og/eða útflutningsleyfi eða yfirlýsing eftir þörfum (þarf oft innflutningsleyfi ef sent til Bandaríkjanna).
*Ílát í sendingarsettum má ekki nota í sitt hvoru lagi, ein eða með öðrum umbúðum. Þau eru framleidd sem hlutar af sömu pakkningu og hún notuð sem slík.
Upplýsingar um innihald og tengiliði.docx
Pökkun smitefnis í flokki B: UN 3373
Leyfilegt magn
Hvert sýnaglas má innihalda allt að 1000 ml af vökva eða 4 kg af föstu efni.
Hver pakki má innihald 4 l af vökva eða 4 kg af föstu efni.
Pökkun
- Gróður/sýni er í vatns- og lekaheldu íláti (fyrsta ílát), merkt með auðkenni sýnis eða sjúklings.
- Ílátið er vafið inn í efni s.s. pappír eða bómull sem getur tekið í sig allan vökva ef ílát brotnar eða lekur.
- Fyrsta ílát er sett í hlífðarhólk (annað ílát). Setja má fleiri en einn sýnapinna eða glös í sama hlífðarhólk og eru þau þá vafin með uppsogandi efni og tryggt að þau séu aðskilin hvert frá öðru.
- Beiðni með eftirfarandi upplýsingum í lokuðu umslagi er sett utan við hlífðarhólkinn:
- Auðkenni sjúklings/sýnis
- Tegund sýnis
- Rannsókn sem beðið er um
- Sendandi og viðtakandi
- Ef vill, er blað með upplýsingum um innihald, svo sem fjöldi glasa, heildarrúmmál, greiningarpróf sem óskað er eftir, sendanda og móttakanda er límt utan um hlífðarhólkinn. Sjá skjal hér neðar
- Ytri umbúðir eru merktar með (sumt er forprentað):
- Viðtakandi (consignee, receiver): fullt nafn stofnunar, heimilisfang og nafn og beint símanúmer tengiliðs (með landsnúmeri).
- Sendandi (consignor, shipper): fullt nafn stofnunar, heimilisfang og nafn og beint símanúmer tengiliðs (með landsnúmeri).
- Nafn og sími ábyrgðaraðila sem gefur upplýsingar ef neyðarástand skapast vegna sendingar.
- UN 3373 merki, (5 x 5 cm og í öðrum lit en ytri umbúðir (letur minnst 6 mm hátt og lína utan um merki 2 mm að þykkt).
- Flutningsheiti (innihaldslýsing): við hliðina á UN3373 merkinu er límt “BIOLOGICAL SUBSTANCE, CATEGORY B » með minnst 6 mm háu letri.
- Ef pakki er sendur í ábyrgðarpósti (en ekki með hraðflutningsfyrirtæki) er settur grænn “Tollmiði (Douane)” með upplýsingum um innihald, verð og þyngd. Má skrifa: “Diagnostic specimen, no commercial value” og þyngd pakkans.
- Ef flutningsaðili gerir kröfu um að ytri umbúðir séu settar í plastumslag er það merkt með: UN 3373 merki, 5 x 5 cm og í öðrum lit en ytri umbúðir (letur minnst 6 mm hátt og lína utan um merki 2 mm að þykkt). Sjá skjal - Límmiðar á efni og úrgang
- UN3373 “BIOLOGICAL SUBSTANCE, CATEGORY B » með minnst 6 mm háu letri.
UN3373.png Þessi miði er pantaður hjá DHL.
- Fylgiskjöl eru sett í hólf á plastumslagi eða látnar fylgja með kassa ef plastumslag er ekki notað. Fylgiskjölin eru:
- Listi yfir innihald (proforma invoice).
- Farmbréf. Sjá vef FedEx og
DHL.url
Sending, fylgiskjöl og skráning
Sending
- Öll sjúklingasýni eru send með hraðsendingau merkt UN 3373 og UN 2814 (flokkur A)
- Flutningur smitefnis í handfarangri, í innrituðum farangri eða á einstaklingi er bannaður á flugleiðum.
Skráning
Afrit af öllum gögnum eru geymd hjá sendingaraðila
Innihaldslisti Proforma invoice - Eyðublöð má nálgast á vef flutningsaðila,
Þurrís eða aukaumbúðir
Gildir um smitefni og sýni til greiningar
- Sýni er pakkað í þriggja laga umbúðir og ytri umbúðir merktar sbr. ofar.
- Pakkinn er umbúinn í þurrís eða aukaumbúðir. Ef þurrís er notaður þurfa síðustu umbúðir (utan um ísinn) að leyfa útgufun CO2 lofts. Búið er um pakkana innan í þurrís- eða ísmassann þannig að þeir kastist ekki til eftir að ísinn gufar upp eða bráðnar. Mikilvægt er að kassinn hleypi þurrísgufum út (ekki gera loftheldan).
- Viðbótarmerkingar á ystu umbúðum eru:
- “Miscellaneous” miði ef þurrís í pakka (er hvítur með svörtum röndum á efri helming og “miscellaneous” í þeim neðri)
- Miði sem á stendur: “UN 1845 DRY ICE og (NET QYY KG). Magn ís skráð fyrir framan KG.
- Innihaldslisti er festur utan á ystu umbúðir, eða látinn fylgja með og flutningsaðili (DHL) kemur honum fyrir.
UN 1845.png Þessi miði er pantaður hjá DHL
Þurrís er pantaður hjá LINDEGAS - Sími 5773000.
Gæðatrygging
Þjálfun
Sjá þjálfunarkröfur í hæfnisstjórnunarkerfi 