Mál í centimetrum (L/B/H): 200 x 67 x 38
Hámarksþyngd sjúklings: 135kg

Virkni loftræstingar í Less flutningshúddinu
Loftið fer inn í húddið fer í gegnum filtera til fóta sem hreinsar það af örverum og ofnæmisvöldum. Loft í húddinu er sogað út í gegnum filtera við höfðalag og á þann hátt skapast neikvæður þrýstingur í húddinu og hreinu lofti er dælt út.

Varúð
Ef súrefnisinnihald húddsins er undir 19,5% skal tengja súrefni við húddið í gegnum sérstakan inngangsstað. Setjið mettunarmæli á sjúkling og gefið súrefni skv. fyrirmælum læknis ef súrefnismettun gefur tilefni til.

• Hafið rúm/vagn til reiðu.
• Opnið stærri rauðu töskuna og takið húddið úr henni og setjið á vagninn/rúmið.

• Setjið enda hvítu armana í þar til gerðar festingar og rennið rennilásnum allan hringinn þannig að húddið myndar bragga.

• Í minni rauðu töskunni eru filterar, útsogsdæla og eitt par af hönskum. Fjarlægið plast og innsigli af filterum.
• Við höfðalag: Skrúfið 3 filtera á innra byrði á enda húddsins við höfðalag til að sía loftið sem fer úr húddinu og festið útsogsdæluna í þar til gerða festingu úr frönskum rennilás og skrúfið útsogspípur á þar til gerða staði á ytra byrðið.
• Til fóta: Skrúfið 3 filtera á ytra byrði á enda húddsins til fóta til að sía innöndunarloft.
• Kannið hvort tengingar séu í lagi og þéttar, kveikið á dælunni og staðfestið að loftið blási upp úr dælunni. Hleðslutækið á að vera í vasa til hliðar við útsogsdæluna ef þarf að grípa til þess meðan sjúklingur er í flutningshúddinu.

• Varist að skrúfa filtera of fast á húddið, það getur brotið eða afmótað skrúfganginn á filterunum og haft áhrif á virkni þeirra.
• Eitt par af hönskum fylgir húddinu og það er sett á hentugan stað á húddið í gegnum þar til gerð inngangsop til að hægt sé að sinna sjúklingnum. Festa þarf hanskana með rauðri teygju sem er vafin tvisvar sinnum kringum inngangsopið til að hanskarnir haldist kyrrir.

• Klæðist hlífðarbúnaði skv. leiðbeiningum.
• Opnið húddið og fjarlægið útsogsfiltera inni í húddinu og útsogsdæluna og slöngurnar. Þrífið og sótthreinsið með Virkoni, varist að vatn berist inn í dæluna eða hleðslutækið.
• Fjarlægið filterana á ytri enda húddsins til fóta og þrífið og sótthreinsið með Virkoni.
• Hanskar eru fjarlægðir og lagðir í virkonlausn eða þeim hent.
• Þrífið og sótthreinsið húddið að innan með Virkoni, vandið þrifin kringum öll inngangsop og kringum tengingar fyrir filtera.
• Þrífið og sótthreinsið húddið að utan með Virkoni.
• Þegar húddið hefur þornað skal ganga frá því í viðeigandi töskur og setja á geymslustað.
• Þegar þrifin fara fram skal skoða skrúfganga til að staðfesta að þeir séu heilir. Skemmdir skrúfgangar geta haft áhrif á einangrunargetu húddsins.

• Hafið rúm/vagn til reiðu.
• Opnið stærri stóru gráu töskuna og takið húddið úr henni og setjið á vagninn/rúmið. Taskan er þung (30 kg) og það þarf tvo til að lyfta henni og tjalda húddinu.

• Fjarlægið súlurnar sem eru í vasa á neðanverðum botni húddsins og leggið til hliðar. Öryggisbelti til að festa húddið við bekk eru á neðanverðum botni húddsins og öryggisbelti til að festa sjúklinginn eru í húddinu á innanverðum botni þess.
• Setjið útsogsfilterinn, dæluna/rafhlöðuna, barkann og gráu töskuna með ýmsum fylgihlutum til hliðar.
• Þræða skal öryggisbeltin fyrir sjúklinginn í gegnum plasthlífar í innanverðum botni húddsins og draga út plasttjaldið.
• Filter fyrir innöndunarloft er fastur á enda húddsins til fóta.

• Setja skal súlurnar í þar til gerðar festingar (augu) á húddinu, fyrsta súlan er með op í báða enda og er fest í pinna sem er fastur við tjaldið (augað) til fóta. Önnur og þriðja súlan eru með mjóum enda öðru megin sem fer í gegnum auga og inn í fyrri súluna. Súlan við höfðalag tengist við þriðju súluna eins og áður er lýst en læsist með pinna sem er festur með keðju við síðustu súluna.
• Lokið rennilásnum allan hringinn. Súlurnar halda húddinu strekktu.

• Tengja skal filterinn fyrir útsogsloftið í þar til gerða festingu við höfðalag, hliðin með 4 jafn stórum pinnum skal snúa að húddinu. Snúið filternum aðeins til vinstri og setjið pinnana í götin og snúið til hægri þar til þeir festast. Festið filterinn við húddið með svörtu öryggisbandi.
• Tengið barkann við filterinn (og festið með plastfestingu til öryggis) og dæluna/rafhlöðuna og tryggið að báðar hosurnar séu vel festar. Setjið dæluna/rafhlöðuna í vasa við höfðalagið, hægt er að setja rafhlöðuna í samband ef nota þarf húddið í lengri tíma.

• Fjögur pör af hönskum eru fastir við húddið og tilbúnir til notkunar, hægt er að skipta um hanska. Op eru á húddinu til að hægt sé að gefa súrefni í húddið, sérstakur vasi er á húddinu við höfðalag þar sem hægt er að færa sjúklingi mat og drykk ef hann þarf að vera lengi í húddinu. Hita og rakamælir er á húddinu.

• Klæðist hlífðarbúnaði skv. leiðbeiningum.
• Fjarlægið rafhlöðuna/dæluna úr töskunni og losið hosuna frá. Þrífið dæluna/rafhlöðuna með Virkoni, leggið á hreint borð.
• Aftengið barkann frá filternum og þrífið hann, leggið á hreint borð.
• Losið filterinn frá húddinu og þrífið hann, leggið á hreint borð.
• Fjarlægið stangirnar af húddinu, byrjið á stöngunum við höfðalagið. Þrífið hverja stöng með Virkoni og leggið á hreint borð.
• Opnið húddið og þrífið það að innan með Virkoni, losið öryggisbeltin úr plasthlífunum og þrífið þau einnig með Virkoni og leggið í hreint húddið. Þrífið líka hanskana.
• Þrífið húddið að utan með Virkoni og látið það standa vel opið meðan það þornar. Þegar allt er orðið þurrt skal pakka húddinu aftur í gráu töskuna.