• Mál í centimetrum (L/B/H): 203 x 64 x 56 sm
• Hámarksþyngd sjúklings: 120kg

1. Neikvæður loftþrýstingur í húddinu: Notað þegar flytja þarf smitandi sjúkling og hindra þarf dreifingu örvera frá honum. Hér er loftið sem fer úr húddinu síað með P3 filter. Þessi notkun á húddinu er algengust.
2. Jákvæður loftþrýstingur í húddinu: Notað þegar þarf að flytja sjúkling sem er sérlega viðkvæmur fyrir smiti úr umhverfi. Hér er loftið sem fer inn í húddið síað með P3 filter til að verja sjúklinginn.

Varúð
Nota má flutningshúddið í umhverfi þar sem hlutþrýstingur súrefnis er á bilinu 18-23%. Hægt er að tengja inn í húddið í gegnum sérstakan inngangsstað, setja mettunarmæli á sjúkling og gefið súrefni skv. fyrirmælum læknis ef súrefnismettun gefur tilefni til.
Þess er gætt að rafhlaða húddsins sé ávallt fullhlaðin.

• Rúm eða vagn eru hafður til reiðu.
• Rauða taskan er opnuð, húddið tekið úr henni og sett á vagninn/rúmið.

• Sléttið úr húddinu á vagninum og takið öryggisbeltin sem festa húddið við vagninn undan húddinu.
• Hvítu plastsúlurnar eru setti í svört augu á toppi húddsins.

• Álstangir eru settar í festingar á botni húddsins og festar saman með smellukerfi á báðum hliðum húddsins.

• Smellið álstöngum við höfðalag og fótalag við álstangirnar sem liggja meðfram hliðum húddsins og verið viss um að tengingar séu öruggar.
• Festið húddið við álstöngina með festingunum með frönsku rennilásnum á báðum endum.

• Loftdæla er sett við höfuðlag húddsins og fest með frönskum rennilás og tveimur böndum.

• Skrúfið P3 filtera á dæluna, herðið þar til filterinn er þétt skrúfaður en herðið ekki of mikið til að brjóta ekki skrúfganginn.
• Tengið slöngu úr hvorum filter í portin til hliðar við filterana.
• Síað loft blæs upp úr opna stútnum á dælunni

• Skrúfið 4 EBV 30/40 filtera í portinn við fótalagið. Þessir filterar eru hannaðir með minnkaðri mótstöðu til að hleypa lofti inn í húddið en eru ekki ígildi P3 fitlera þ.e. þeir hreinsa ekki loftið sem fer inn eða út úr húddinu. Hönnun þessara filtera auðveldar að hafa neikvæðan þrýsting í húddinu og því er ekki hægt að nota aðra filtera í þeirra stað.
• Auðvelt er að kanna sog í gegnum filtera með því að setja blað við hann. Ef sog er inn í gegnum filterinn helst blaðið við hann.
• Gúmmíhlífar eru því næst settar á filterana og opið látið vísa niður.

• Setjið húddið í gang og staðfestið að það virkar eins og vera ber og slökkvið svo aftur á því.
• Opnið húddið og leggið dýnuna í húddið, dýnan er til að auka þægindi fyrir sjúklinginn meðan á flutningi stendur og leggir öryggisbeltin fyrir sjúklinginn á rétta staði.
• Aðstoðið sjúklinginn við að fara í húddið og festið öryggisbeltin eins og leiðbeiningar sýna.
• Kveikið á húddinu.

• Hægt er að tengja súrefni, EKG leiðslur, vökvaslöngu og fleira í gegnum þar til gerð port á hlið húddsins.
• Hlífin er losuð af portunum og sérstakur svampur er settur kringum slöngur sem þurfa að fara inn í húddið og honum stungið inn í portið og skrúfað fast.

• Hægt er að sinna sjúklingum í húddinu með því að nota hanska sem eru festir í sérstök port í húddinu.
• Hægt er að nota innri pokann til að setja hluti inn í húddið meðan sjúklingur er í því.

• Þegar flutningi er lokið er húddi lokað með rennilásnum. Starfsmaður frá G2 sem er ábyrgur fyrir húddinu sprittar húddið og snertifleti á vagni áður en það er flutt af herbergi og fer með það niður í sjúkrabílabílskúr á G2 og þrífur og sótthreinsar vagninn og húddið að innan og utan og hefur það tilbúið fyrir næsta flutning.
• Eftir hvern flutning þarf að lágmarki að þrífa húddið með hreinsiefni og hafi það verið notað við flutning á smitandi sjúklingi þarf einnig að sótthreinsa það.
• Samhliða þrifum er ástand húddsins metið og skoðað hvort þörf sé að viðgerðum.
• Allt viðhald og eftirlit á húddinu þarf að skrá á þar til gerð blöð/rafrænt.

• Hlífðarbúnaði er klæðst skv. leiðbeiningum.
• Húdd er opnað og útsogsfilterar, útsogsdæla og slöngur fjarlægðar úr húddinu og þrifið að utan með virkoni. Þess er gætt að vökvi berist ekki inn í filterana, dæluna eða hleðslutækið.
• Filterar á ytri enda húddsins til fóta eru fjarlægðir og sótthreinsaðir með Virkoni, þess er gætt að vökvi berist ekki inn í filterana.
• Hanskar sem voru notaðir í flutningunum eru fjarlægðir og lagðir í virkonlausn eða þeim hent.
• Húddið er sótthreinsað að innan með Virkoni og sérstaklega vandað til þrifa kringum öll inngangsgöt og tengingar fyrir filtera.
• Húddið er sótthreinsað að utan með Virkoni.
• Varist að álstangir liggi í Virkonbleytu til að fyrirbyggja skemmdir.
• Þegar húddið hefur þornað er gengið frá því í viðeigandi töskur og það sett á geymslustað.
• Þegar þrifin fara fram eru skrúfgangar skoðaðir til að staðfesta að þeir séu heilir. Skemmdir skrúfgangar geta haft áhrif á einangrunargetu húddsins.