../ IS  
Útgefið gæðaskjal: Leiðbeiningar
Skjalnúmer: Rklín-134
Útg.dags.: 05/11/2022
Útgáfa: 3.0
2.02.01.01 Methemóglóbin
Hide details for AlmenntAlmennt
Verð: Sjá Gjaldskrá
Grunnatriði rannsóknar: Methemóglóbín er hemóglóbín með þrígildu járni, Fe+3, í stað tvígilds, Fe+2. Það tekur ekki þátt í súrefnisflutningi. Lítið eitt af methemóglóbíni myndast stöðugt í líkamanum en hjá heibrigðum breytist það aftur í eðlilegt hemóglóbín með hjálp ensímsins methemóglóbínreduktasa. Aukning á methemóglóbíni veldur skerðingu á súrefnisflutningi og bláma, cyanósis, sem er mest áberandi á vörum.
B-methemóglóbín er mælt í heparíniseruðu blóði ef grunur leikur á methemóglóbínemíu af völdum oxandi lyfja eða erfðabreytinga (mjög sjaldgæft).
Ábendingar: Grunur um methemóglóbínemíu.
Hide details for Sýnataka, sending, geymsla og hvenær mæling er framkvæmd.Sýnataka, sending, geymsla og hvenær mæling er framkvæmd.
Gerð og magn sýnis:
Blóðsýni skal tekið úr slagæð eða bláæð í heparíniseraða sprautu og sent á rannsóknastofu sem fyrst eftir sýnatöku. Gæta skal vel að ekki séu loftbólur í sýninu.
Einnig má taka sýnið í Lithium Heparin glas án gels með grænum tappa (svört miðja) .
Geymsluþol 15 mín án kælingar og 2 klst. í ísvatni.
Mæling framkvæmd um leið og sýni berst.

Mæling er gerð allan sólarhringinn, alla daga vikunnar.
Hide details for ViðmiðunarmörkViðmiðunarmörk
B- Methemóglóbín: <2 %

AÐVÖRUNARMÖRK:
B-Methemóglóbín: >30%.
    Hide details for NiðurstöðurNiðurstöður
    Túlkun
    Methemóglóbínemía getur orðið við eitranir af völdum sumra lyfja, klórata, nítríta og fleiri efna, við meðfæddan skort á methemóglóbínreduktasa og hjá sjúklingum með vissa meðfædda byggingargalla á hemóglóbíni. Varablámi getur sést við methemóglóbínemíu >15% en oft eru engin önnur einkenni við langvarandi methemóglóbínemíu nema að methemóglóbín sé >25-30%. Samfara vaxandi methemóglóbínemíu má búast við höfuðverk, ógleði, andþyngslum, máttleysi, meðvitundarskerðingu og loks dauða ef magnið fer yfir 70%. Einkennin stafa af súrefnisskorti og athygli er vakin á því að þrátt fyrir hann mælist pO2 og O2sat eðlilegt hjá þessum sjúklingum.






    Ritstjórn

    Ingunn Þorsteinsdóttir
    Fjóla Margrét Óskarsdóttir
    Ólöf Sigurðardóttir

    Samþykkjendur

    Ábyrgðarmaður

    Ísleifur Ólafsson

    Útgefandi

    Ingunn Þorsteinsdóttir

    Upp »


    Skjal fyrst lesið þann 03/04/2011 hefur verið lesið 2127 sinnum