Athugið: Undantekningar eru á sumum frábendingum og þarf því oft að kanna framleiðanda og/eða aðgerðalýsingu fyrir hvert tilfelli.

• Fasta þarf á mat og drykk í 4 klst. fyrir rannsókn. Ekki reykja eða tyggja tyggigúmmí.
• Taka má sín reglulegu lyf eins og venjulega.
• Kaupa þarf Microlax túpu til úthreinsunar i apóteki og nota hana 2 - 3 tímum fyrir rannsókn. sjá fylgiseðil
• Þeir sem eru með mikla innilokunarkennd geta fengið róandi töflu (Dormicum 7,5 mg) og þurfa þá að mæta 30 mínútur fyrir rannsókn. Ekki er æskilegt að keyra eftir róandi lyf.
• Gott er að skilja skartgripi eftir heima en í lagi er að vera með gullhringi.
• Velkomið er að hafa aðstandenda með sér.

Til að tryggja öryggi við rannsókn er farið yfir gátlista með spurningum áður en rannsókn hefst.
Fjarlægja þarf alla lausa málmhluti og klæðast sjúkrahússlopp til að koma í veg fyrir að málmhlutir á fötum trufli rannsóknina.
Greiðslukort og önnur skilríki með segulrönd geta eyðilagst ef þau koma inn í rannsóknarherbergið.
Verðmæti eru geymd í læstum skáp í búningsklefa.

Í sumum tilfellum er gefið skuggaefni, omniscan í æð og þarf þá að setja upp æðalegg sem oftast er settur í handlegg.
Flestir fá (Buscopan 20 mg/ml) í lærvöðva til að draga úr þarmahreyfingum á meðan rannsókn stendur.
Liggja þarf á baki á rannsóknarbekk, stórt belti (spóla) er sett yfir kviðarhol og bekkurinn er færður inn í segulómtækið.
Nauðsynlegt er að liggja kyrr á meðan rannsókn er framkvæmd.
Heyrnartól eru sett yfir eyru vegna hávaða í tæki og hægt er að hlusta á útvarp eða geisladisk.
Allir fá öryggishnapp til að geta gert vart við sig ef þeir finna fyrir óþægindum eða innilokunarkennd.

1. MR safety
2. Selectional Anatomy 2