Athugið: Undantekningar eru á sumum frábendingum og þarf því oft að kanna framleiðanda og/eða aðgerðalýsingu fyrir hvert tilfelli íhluta.

• Fasta þarf á mat og drykk í 6 klukkustundir fyrir rannsókn. Hvorki reykja né tyggja tyggigúmmí.
• Mikilvægt er að mæta 10 mínútum fyrir tímann til undirbúnings. Ef komið er eftir að rannsóknartími hefst gæti þurft að fresta rannsókn og gefa nýjan tíma.
• Bráðatilfelli geta komið upp á spítalanum sem geta valdið töfum á tíma.
• Taka má sín reglulegu lyf eins og venjulega.
• Gott er að skilja skartgripi eftir heima en í lagi er að vera með gullhringi.
• Velkomið er að hafa aðstandanda með sér.

Til að tryggja öryggi við rannsókn er farið yfir gátlista/spurningar áður en rannsókn hefst.
Fjarlægja þarf alla lausa málmhluti og klæðast sjúkrahússlopp til að koma í veg fyrir að málmhlutir á fötum trufli rannsóknina.
Greiðslukort og önnur skilríki með segulrönd geta eyðilagst ef þau koma inn í rannsóknarherbergið.
Verðmæti eru geymd í læstum skáp í búningsklefa.

• Áður en rannsókn hefst þarf að drekka 1½ lítra af sykurlausn (sorbitol+vatn) í 40 mínútur. Drekka þarf 1 glas á 4 mínútna fresti.
• Oft er gefið skuggaefni í æð, Gadovist og þarf þá að setja æðalegg sem oftast er settur í handlegg. Hægt er að gefa skuggaefni í lyfjabrunn.
• Liggja þarf á grúfu á rannsóknarbekk, stórt belti (spóla) er sett yfir bakið og bekkurinn færist inn í segulómtækið.
• Nauðsynlegt er að liggja kyrr á meðan rannsókn stendur.
• Allir fá öryggishnapp til að geta gert vart við sig ef þeir finna fyrir óþægindum eða innilokunarkennd.
• Heyrnartól sett yfir eyru vegna hávaða í tæki og til að heyra öndunarleiðbeiningar.
• Halda þarf inni andanum í 10 til 20 sekúndur í hverri myndaseríu. Mikilvægt er að fylgja öndunarleiðbeiningum geislafræðings.
• Í miðri rannsókn er gefið lyf í æð eða vöðva, Buscopan 20 mg/ml, til að minnka þarmahreyfingar og fljótlega þar á eftir er skuggaefnið gefið.

1. MR safety
2. Selectional Anatomy 2