../ IS  
Útgefið gæðaskjal: Leiðbeiningar
Skjalnúmer: Rsýk-342
Útg.dags.: 10/01/2020
Útgáfa: 13.0
2.02.07.16 Kynfæri kvenna - GBS ræktun
Hide details for Rannsóknir - Heiti, ábendingar, grunnatriðiRannsóknir - Heiti, ábendingar, grunnatriði
Heiti rannsóknar: Kynfæri kvenna - leit að Strept. haemol. gr. B , Ytri kynfæri kvenna - leit að Strept. haemol. gr. B, Strok frá endaþarmi - leit að Strept. haemol. gr. B
Samheiti: GBS ræktun
Pöntun: Beiðni um sýklarannsókn eða Cyberlab innan LSH. Verð: Sjá Gjaldskrá
    Hide details for ÁbendingÁbending
    Skimun fyrir Streptococcus agalactiae, þ.e. β-hemólýtískum streptókokkum af flokki B (GBS), hjá þunguðum konum.

    Mikilvægt er að biðja sérstaklega um ræktun í leit að Streptococcus agalactiae(streptókokkum af flokki B, GBS).

    Fræðsla um GBS sýklun á meðgöngu:
    Streptococcus agalactiae (GBS) er hluti af einkennalausri sýklun í leggöngum margra kvenna. Talið er að allt að fjórðungur þungaðra kvenna beri bakteríuna í leggöngum eða endaþarmi. Uppruna sýklunarinnar má að öllum líkindum rekja til eðlilegrar bakteríuflóru í þörmunum. Bakterían getur borist í legvatn við lok meðgöngu eða í fæðingu og leitt til alvarlegrar sýkingar hjá nýburanum, s.s. blóðsýkingar, lungnabólgu og heilahimnubólgu. Áhættuþættir sýkingar hjá nýburanum eru m.a. hiti í fæðingu, fyrirmálsrifnun himna (PROM), fæðing fyrir tímann (<37 vikur) og saga um GBS sýkingu í tengslum við fyrri fæðingu. Skimað er fyrir GBS sýklun á meðgöngu með ræktun á stroki frá skeið/endaþarmi en einnig er ræktun GBS úr þvagi á meðgöngu mikilvæg vísbending um GBS sýklun í leggöngum. Hafi GBS ræktast á meðgöngu frá skeiðarsýni eða þvagi er konunni gefið sýklalyf í æð í upphafi fæðingar til að fyrirbyggja sýkingu hjá nýburanum.

    Mögulegar viðbótarrannsóknir: Vegna mikils magns blandaðrar þarmaflóru í þessum sýnum eru þau óhæf til almennrar sýklarannsóknar.
    Hide details for Grunnatriði rannsóknarGrunnatriði rannsóknar
    Eingöngu er leitað að GBS.
    Sýninu er sáð á skálar og til að ræktunin verði sem næmust er sýnið einnig sett í fljótandi valæti til að hemja vöxt annarrar þarmaflóru. Greinist bakterían er gert næmispróf, en GBS eru að öllu jöfnu næmir fyrir penisillíni.
    Hide details for SýnatakaSýnataka

    Hide details for Sending og geymslaSending og geymsla
      Hide details for Geymsla ef bið verður á sendinguGeymsla ef bið verður á sendingu
      Í kæli eða við stofuhita. Æskilegast er að sýnið berist innan sólarhrings. Við ræktun á eldra sýni er hætta á falskt neikvæðri ræktunarniðurstöðu.

    Hide details for NiðurstöðurNiðurstöður
      Hide details for SvarSvar
      Niðurstaða liggur að jafnaði fyrir innan 3ja virkra daga frá móttöku sýnis.
      Greinist GBS í sýni frá þungaðri konu í fæðingu er hringt til beiðanda.
      Hlutasvör: Strax og staðfest hefur verið að GBS vaxi í sýninu er gefið út bráðabirgðasvar í tölvukerfi Landspítalans (Cyberlab).
      Hide details for TúlkunTúlkun
      GBS finnast oft í skeiðarflóru kvenna og eru yfirleitt skaðlausir konunni. Að jafnaði er ekki mælt með sýklalyfjameðferð nema hjá barnshafandi konum í tengslum við fæðingu og þá til að vernda nýburann.

    Hide details for HeimildirHeimildir
    1. Karen C. Carroll og Michael A. Pfaller. Manual of Clinical Microbiology. ASM Press, Washington D.C.
    2. Amy L. Leber og fél. Clinical Microbiology Procedures Handbook. ASM Press, Washington D.C
    3. Bjarnadóttir I, Hauksson A, Kristinsson KG, Vilbergsson G, Pálsson G, Dagbjartsson A. Beratíðni b-hemólýtískra streptókokka af flokki B meðal þungaðra kvenna á Íslandi og smitun nýbura. Læknablaðið 2003; 89: 111-5
    4. UK Standards for Microbiology Investigations, SMI B 58 Detection of Carriage of Group B Streptococci (Streptococcus agalactiae), the Standards Unit, Microbiology Services, PHE, júní 2018.

    Ritstjórn

    Ólafía Svandís Grétarsdóttir
    Sigríður Ólafsdóttir
    Lena Rós Ásmundsdóttir - lenaros
    Katrín Helga Óskarsdóttir - katrinho

    Samþykkjendur

    Ábyrgðarmaður

    Lena Rós Ásmundsdóttir - lenaros

    Útgefandi

    Katrín Helga Óskarsdóttir - katrinho

    Upp »

    Skjal fyrst lesið þann 04/30/2010 hefur verið lesið 54831 sinnum