Leiðbeiningar Rmynd-032 2.02.06.101 Útg. 2.0 Útg.dagur 06/20/2017

2.02.06.101 TS höfuð

Rannsóknir - Heiti, ábendingar, frábendingar

Rannsóknir - Heiti, ábendingar, frábendingar
Heiti rannsóknar: Tölvusneiðmyndir af höfði og TS af slagæðum í höfði.
Samheiti: CT Head, CT Brain og CT Circle of Willis.
Pöntun: Röntgensvör, sjá leiðbeiningar um pöntun myndgreiningarþjónustu.
Ábendingar: Áverki, blæðing, heilablóðfall, höfuðverkur, meinvörp, geðræn einkenni, æðagúll (aneurysm)o.fl.
Frábendingar: Skuggaefnisofnæmi.

Hátt kreatíningildi / skert nýrnastarfsemi:

Skuggaefnismagn sem gefið er í æð er reiknað út frá serum kreatínin, því þarf nýleg blóðprufa að liggja fyrir, einnig er stuðst við aldur, hæð og þyngd. Upplýsingar um serum kreatínin má finna inn á innraneti LSH, sjá

Heilsugátt

Þeir sem eru

með bráða nýrnabilun er ekki gefið skuggaefni. Þetta á ekki við um einstakling sem er reglulega í blóðskilun.

Sykursýkislyf:

Noti einstaklingur sykursýkislyf sem inniheldur Metformin

sem eru lyf eins: Glucophage, Glucovance eða Avandmet, og nýrnastarfsemi er eðlileg

skal

hætta inntöku metformin-lyfs

rannsóknardag

ekki

byrja

aftur fyrr

48 klst. eftir

rannsóknina.

Ef gefa þarf skuggaefni í bráðarannsókn er æskilegt að endurtaka serum kreatínin mælingu eftir rannsókn.

Sjúklingur með skerta nýrnastarfsemi sem tekur metformin-lyf skal hætta töku lyfs 48 klst. fyrir rannsókn og 48 klst. eftir skuggaefnisgjöf.

Ofnæmi:

Við þekkt joðskuggaefnisofnæmi þarf lyfjaforgjöf. Sjá

Ofnæmislyf - Joðskuggaefni

Einstaklingur utan spítala geta nálgast ofnæmislyf á röntgendeild tveimur dögum fyrir rannsókn.

Undirbúningur og framkvæmd

Undirbúningur og framkvæmd

Undirbúningur: Enginn undirbúningur en mælt er með að fjarlægja alla skartgripi áður en komið er í rannsókn.

Ef vitað er um ofnæmi fyrir skuggaefni sem gefið er í æð á röntgen þarf undirbúning, sjá frábendingar.
Stundum þarf að hætta töku sykursýkislyfja sem innihalda Metformin, sjá frábendingar.

Aðferð: Við rannsókn af höfði þarf að liggja á baki á rannsóknabekk með höfuð í sérstöku statífi og band er sett á enni til að forðast hreyfingu.
Nauðsynlegt er að liggja kyrr á meðan rannsókn fer fram til að forðast myndgalla.
Stundum þarf að gefa skuggaefni, visipaque í æð og í þeim tilvikum er settur upp æðaleggur í handlegg.
Geislafræðingur framkvæmir rannsóknina. Við tölvusneiðmyndir er notað röntgentæki sem gefur frá sér jónandi geislun og hægt er að skoða myndir í öllum mögulegum sniðum og í tví- og þrívídd. Þær geta gefið ítarlegar upplýsingar um ástand líffæra og æða.

Tímalengd: 20 mín.

Eftirmeðferð: Engin, en gott er að vera í góðu vökvajafnvægi og drekka vel af vatni eftir skuggaefnisgjöf.

Niðurstöður

Niðurstöður
Röntgenlæknir skoðar og metur rannsóknina. Niðurstaða er send til þess læknis sem óskaði eftir rannsókn, þegar svar hefur verið staðfest. Oftast er það næsti virki dagur. Læknar innan LSH geta skoðað svör og myndir í heilsugátt á innri vef.

Svör eru eingöngu lesin fyrir lækna. Starfsfólki öðrum en læknum og læknariturum er óheimilt að lesa svar í síma.

Heimildir

Sectional Anatomy V1

2.02.06.101 TS höfuð

Ritstjórn

Samþykkjendur

Ábyrgðarmaður

Útgefandi