Rannsóknir - Heiti, ábendingar, frábendingar
Heiti rannsóknar: Beinarannsóknir:
- Höfuð: andlitsbein, afhol nefs, höfuðkúpa, kjálkaliðir, kjálkabein .
- Hryggur: háls-, brjóst- lend- og spjaldhryggur, spjaldliðir.
- Efri útlimir: öxl, viðbein, axlarhyrnuliðir, herðablað, upphandleggur, olnbogi, framhandleggur, úlnliður, bátsbein, hönd, fingur.
- Neðri útlimir: mjaðmagrind, mjöðm, lærleggur, hné, fótleggur, ökkli, hæll, rist, tær.
- Annað: bringubein, rifbein, lengdarmæling ganglima, hryggskekkjurannsókn, öxulmæling.
Samheiti: Yfirlitsmyndir
Pöntun: Röntgensvör, sjá leiðbeiningar um pöntun myndgreiningarþjónustu.
Ábendingar: Áverki, beina- og liðasjúkdómar, mælingar, meinvörp o.fl.
Frábendingar: Þungun ef rannsókn beinist að kviðarholi.
Undirbúningur og framkvæmd
Undirbúningur: Enginn.
Aðferð: Við myndgreiningarrannsókn af beinum er notað röntgentæki sem gefur frá sér jónandi geislun.
Teknar eru tvær eða fleiri röntgenmyndir. Geislafræðingur framkvæmir rannsókn.
Tímalengd: 10 - 30 mínútur.
Eftirmeðferð: Engin.
Niðurstöður
Röntgenlæknir skoðar og metur rannsóknina. Niðurstaða er send næsta virka dag til þess læknis sem óskaði eftir rannsókninni. Læknar innan LSH geta skoðað svör og myndir í heilsugátt.
Svör eru eingöngu lesin fyrir lækna. Starfsfólki öðrum en læknum og læknariturum er óheimilt að lesa svar í síma.