Athugið: Undantekningar eru á sumum frábendingum. Þarf því oft að kanna framleiðanda og/eða aðgerðalýsingu fyrir hvert tilfelli íhluta.

• Fasta þarf í 2 klukkustundir fyrir rannsókn vegna þess að liggja þarf á maganum.
• Mikilvægt er að mæta 10 mínútum fyrir rannsóknartíma til undirbúnings. Ef mætt er eftir að rannsóknartími hefst gæti þurft að fresta rannsókn og gefa nýjan tíma.
• Bráðatilfelli geta komið upp á spítalanum sem geta valdið töfum á tíma.
• Gott er að skilja skartgripi eftir heima en í lagi er að vera með gullhringi.
• Velkomið er að hafa aðstandanda með sér.

Til að tryggja öryggi við rannsókn er farið yfir gátlista/spurningar áður en rannsókn hefst
Fjarlægja þarf alla lausa málmhluti, og klæðast sjúkrahússlopp til að koma í veg fyrir að málmhlutir á fötum trufli rannsóknina.
Greiðslukort og önnur skilríki með segulrönd geta eyðilagst ef þau koma inn í rannsóknarherbergið.
Verðmæti eru geymd í læstum skáp í búningsklefa.

Yfirleitt er gefið skuggaefni í æð, Gadovist, í þessari rannsókn og þarf því að setja æðalegg í handlegg. Hægt er að gefa skuggaefni í lyfjabrunn.
Liggja þarf á grúfu á rannsóknarbekk og því er ekki gott að vera nýbúin að borða.
Nauðsynlegt er að liggja kyrr á meðan rannsókn stendur.
Heyrnartól eru sett yfir eyru vegna hávaða í tæki og hægt er að hlusta á útvarp eða geisladisk.
Allir fá öryggishnapp til að geta gert vart við sig ef þeir finna fyrir óþægindum eða innilokunarkennd.

1. Mr safty
2. Selection Anatomy 2