Almennt
Verð: Sjá Gjaldskrá
Pöntunarkóði í FlexLab: CO2
Grunnatriði rannsóknar: Þegar heildastyrkur koldíoxíðs í plasma eða sermi er mældur, þá er verið að mæla heildarstyrk bíkarbonats, kolsýru og uppleysts koldíoxíðs. Því hafa bæði respiratoriskir og metabóliskir þættir áhrif á niðurstöðuna En þar sem bikarbonat er yfirleitt um 95% af heildarmagninu endurspeglar mælingin fyrst og fremst metabóliska þætti. Rannsóknin er því fyrst og fremst notuð til að skima fyrir metaboliskri truflun í sýru/basa jafnvæginu.
Helstu ábendingar: Skimun fyrir metaboliskri truflun í sýru/basa jafnvæginu.Sýnataka, sending, geymsla og hvenær mæling er framkvæmd.
Gerð og magn sýnis: Sýni tekið í lithíum heparín glas með grænum tappa með geli (gul miðja)
. Litakóði samkvæmt Greiner Vacuette.
Við blóðsýnatökuna skal þess gætt að sýnatakan sé loftfirrt, þ.e. að tappi sé ekki tekinn af sýnatökuglasi og að loft komist að blóðinu. Ekki loftfirrt sýnameðhöndlun hefur í för með sér að gildin verða falskt of lág.
Sýni er skilið niður innan einnar klukkustundar við 3000 rpm í 10 mínútur.
Ef senda á sýni á milli rannsóknastofa, þarf að skilja sýni niður og taka plasma ofan af og setja í glas með þéttum tappa. Í vel lokuðu glasi geymist plasma í 40 klst. við 15-25°C, 7 daga við 4°C og 6 mánuði við -20°C eða -80°C.
Ekki er leyfilegt að bæta við koldíoxíð (CO2) mælingu á sýni sem hefur staðið opið.
Mæling er gerð allan sólarhringinn, alla daga vikunnar bæði í Fossvogi og Hringbraut.
Niðurstöður
Túlkun niðurstaðna
Hjá sjúklingum með eðlilega öndun útilokar eðlilegur styrkur kolsýru alvarlegar truflanir í sýru/basa jafnvægi.
Hækkuð gildi: Heildar koldíoxíð í blóði (bíkarbonat og uppleyst koldíoxíð) eykst við metabólíska alkalósu og mikla neyslu alkalískra efna og kompenseraðri respíratoríska acidósu,
Lækkuð gildi: Koldíoxíð lækkar hins vegar í metabólískri acidósu, í nýrnasjúkdómum þar sem útskilnaður vetnisjóna er skertur og í kompenseraðri respíratorískri alkalósu.
Heimildir
Tietz Textbook of Clinical Chemistry and Molecular Diagnostics. Fourth Edition. Elsevier Saunders. 2012.