Almennt
Verð: Sjá Gjaldskrá
Grunnatriði rannsóknar: Tobramycin er amínóglýkósíð sýklalyf notað til að meðhöndla sýkingar orsakaðar af Pseudomonas aeruginosa, Proteus tegundum, E. coli, Klebsiella, Serratia, Citrobacter, Staphylococcus aureus, Enterobacer og fleiri sýklum. Fylgjast þarf með styrk tobramycin í sermi til að tryggja bestu mögulega virkni lyfsins og til að minnka líkur á aukaverkunum.
Helsu ábendingar: Að stilla inn og fylgja eftir meðferð með tobramycini.Sýnataka, pöntunarkóði, sending og geymsla
Undirbúningur sjúklings: Mældur er minnsti styrkur fyrir gjöf (lágstyrkur) og mesti styrkur eftir gjöf (hástyrkur).
Pöntunarkóði í Flexlab: TOBRAM
Gerð og magn sýnis:
Sermi, 0,5 ml,
tekið í serum glas með rauðum tappa án gels (svört miðja) 
Litakóði samkvæmt Greiner
Geymsla: Sermi geymist 3 daga í kæli og í 1 mánuð í frysti við -20°C.
Mæling er gerð allan sólarhringinn, alla daga vikunnar í Fossvogi.
Viðmiðunarmörk
Lágstyrkur: 0,5-2 mg/L.
Hástyrkur: 6-10 mg/L
Ofangreind meðferðarmörk eru frá hvarfefnaframleiðanda.
(mg/L samsvarar ug/ml)
Niðurstöður
Truflandi efni: Amikacin og kanamycin kross bindast í þessari mæliaðferð. Ekki er hægt að fá áreiðanlegar niðurstöður á tobramycini ef sýnið inniheldur annað hvort amikacin og/eða kanamycin.
Túlkun:
Hækkun: Tobramycin er mjög stöðugt lyf og umbrotnar lítið sem ekkert í líkamanum heldur er skilið óbreytt út um nýru. Nýrnastarfsemi hefur því mikil áhrif á lyfjahvörf tobramycins sem þarf að hafa í huga við skömmtun lyfsins. Uppsöfnun lyfsins getur leitt til nýrnaskemmda og/eða heyrnarskerðingar.
Heimildir
Upplýsingableðill, TOBR2, Roche Diagnostics, 2021-07,V 11.0