Athugið: Undantekningar eru á sumum frábendingum og þarf því oft að kanna framleiðanda og/eða aðgerðalýsingu fyrir hvert tilfelli íhluta.

• Enginn undirbúningur er fyrir þessa rannsókn
• Þeir sem eru með mikla innilokunarkennd geta fengið róandi lyf (Dormicum 7,5 mg) enláta þarf vita með sólahrings fyrirvara og mæta 60 mínútum fyrir rannsókn.
• Ekki má keyra í 24 klukkustundir eftir róandi lyf.
• Mikilvægt er að mæta 10 mínútum fyrir tímann til undirbúnings. Ef komið er eftir að rannsóknartími hefst gæti þurft að fresta rannsókn og gefa nýjan tíma.
• Bráðatilfelli geta komið upp á spítalanum sem geta valdið töfum á tíma.
• Gott er að skilja skartgripi eftir heima en í lagi er að vera með gullhringi.
• Velkomið er að hafa aðstandanda með sér.

Til að tryggja öryggi við rannsókn er farið yfir gátlista/spurningar áður en rannsókn hefst.
Fjarlægja þarf alla lausa málmhluti og klæðast sjúkrahússlopp til að koma í veg fyrir að málmhlutir á fötum trufli rannsóknina.
Greiðslukort og önnur skilríki með segulrönd geta eyðilagst ef þau koma inn í rannsóknarherbergið.
Verðmæti eru geymd í læstum skáp í búningsklefa.

• Oft er gefið skuggaefni, Gadovist í rannsókninni og þarf þá að setja æðalegg sem oftast er settur í handlegg. Hægt er að gefa skuggaefni í lyfjabrunn.
• Liggja þarf á baki á rannsóknarbekk, hjálmur (loftnet) er settur yfir höfuð og bekkurinn færist inn í segulómtækið.
• Nauðsynlegt er að liggja kyrr á meðan rannsókn stendur.
• Heyrnartól eru sett yfir eyru vegna hávaða í tæki og hægt er að hlusta á útvarp eða geisladisk.
• Allir fá öryggishnapp til að geta gert vart við sig ef þeir finna fyrir óþægindum eða innilokunarkennd.

1. MR safty
2. Sectional Anatomy 1