 Rannsóknir - Almennt
Verð: Sjá Gjaldskrá
Grunnatriði rannsóknar:
Von Willebrand faktor (vWF) er nauðsynlegur fyrir bindingu blóðflaga við sárbarm, en blóðflöguviðtakinn GP Ib tengist við VWF í sári. Tvær aðferðir eru notaðar til að mæla vWF, antigen mæling (vWF:Ag) og virkniaðferð: ristocetin kófaktor (vWF:RCo). Rannsóknin er gagnleg við greiningu von Willebrands
sjúkdóms (vWD).
Breytileiki: vWF:RCo eykst við östrógen inntöku og á meðgöngu, sömuleiðis við marga sjúkdóma, áreynslu og streitu (acute phase reactant). Einnig getur magn vWF hjá sama einstaklingi verið breytilegt frá einum tíma til annars, þess vegna þarf oft að endurtaka mælingu til að staðfesta lág gildi.
Sýnataka, sending og geymsla
Gerð og magn sýnis:
Blóð tekið í storkuprófsglas sem inniheldur 3,2% natríum sítrat. 
Litakóði samkvæmt Greiner
Sýnatökuglasið verður að vera alveg fullt, glasinu velt vel og sent rannsóknastofu sem allra fyrst.
Ath: Stasað sem minnst og sjúklingur á alls ekki kreppa og rétta úr hnefa.
Sýnaglas skilið niður í kældri skilvindu við 4°C. Plasmað tekið frá innan 30 mínútna. Mælingin er gerð á plasma.
Plasma geymist fryst við - 70°C ef mæling er ekki gerð strax.
Mæling gerð eftir þörfum.
Niðurstöður
Svar: U/dl.
Túlkun
Hækkun: Hefur verið tengd við thrombotisk áföll en sambandið er ósannað.
Lækkun: Lækkun á vWF:RCo finnst við von Willebrands sjúkdóm.
Heimildir
Pakkaleiðbeiningar frá Diagnostica STAGO S.A.S.
|
|