Gæðastefna
Ónæmisfræðideild sér um þjónusturannsóknir og klíníska þjónustu við einstaklinga á Íslandi með bólgu-, ofnæmis- og ónæmissjúkdóma.

Aðaláhersla í starfsemi deildarinnar er eftirfarandi:

• Alhliða þjónusturannsóknir á sviði ónæmis-, ofnæmis-, sjálfsofnæmis- og gigtarsjúkdóma.
• Klínísk ráðgjöf, greining, meðferð og eftirlit ofnæmis- og ónæmissjúkdóma.
• Fræðsla, þjálfun og kennsla heilbrigðisstarfsfólks, háskólanema og almennings innan fræðasviðsins.
• Fræðilegar rannsóknir innan fræðasviðsins.
• Gæða- og þróunarstarf.

Deildin sinnir þessum verkefnum á sem bestan hátt og innan þess ramma sem heilbrigðisyfirvöld og stjórn deildar ákveða hverju sinni. Stjórn deildarinnar stefnir að því að skilyrði alþjóðastaðalsins ISO15189 verði uppfyllt varðandi þann hluta starfseminnar sem snýr að þjónusturannsóknum deildarinnar.

Meginmarkmið:

• Að tryggja sjúklingum og heilbrigðisstarfsmönnum bestu þjónustu sem völ er á.
• Að viðhalda gæðastjórnunarkerfi sem tryggir viðeigandi meðhöndlun, vinnslu og svörun rannsókna á sjúklingasýnum.
• Að skapa aðstæður sem hvetja hæfustu starfsmenn sem völ er á til að leita eftir störfum á deildinni og hvetur starfsmenn til að nýta tækifæri til menntunar.
• Að skapa aðstæður fyrir öfluga vísindamenn til að leiða eigin rannsóknir og að taka þátt í vísindaverkefnum.
• Að veita nemum heilbrigðisstétta fræðslu og verklega þjálfun í samræmi við nýjustu þekkingu.
• Að deildin verði leiðandi á sviði ónæmisfræði hérlendis og standist samanburð við það sem best þekkist erlendis.

Ábyrgð og lykilþættir
Yfirlæknir ber endanlega ábyrgð gæðakerfinu en innleiðing, viðhald og endurbætur þess eru á ábyrgð allra starfsmanna.

Yfirlæknir

• Styður gæðakerfið og veitir leiðsögn þegar misræmi kemur upp eða kveða þarf upp úrskurð í málum og þegar þörf er á.
• Setur gæðamarkmið deildarinnar. Þessi markmið eru endurskoðuð og uppfærð reglulega.
• Innleiðir gæðastefnuna í gegnum verklagsreglur sem eru innleiddar undir ábyrgð viðkomandi starfsmanna í einingum deildarinnar. Áður en breytingar eða lagfæringar eru gerðar sem gætu haft áhrif á gæði vöru eða þjónustu sem deildin veitir, skulu þessar verklagsreglur bornar undir yfirlækni.
• Hefur eftirlit með fylgni við verklagsreglur með endurskoðun á innra gæðaeftirliti eða innri úttektum eða fundum með viðkomandi einingum. Mat á gæðakerfinu er framkvæmt óháð og með stuðningi gæðastjóra.
• Fær upplýsingar um allar gæðaúttektir þannig að ef frávik greinast þá:
  • Veit hann af þeim.
  • Getur tekið viðeigandi ákvarðanir.
  • Útnefnt viðeigandi ábyrgðarmenn.
  • Endurskoðað gæðastefnuna í samræmi.

Starfsemi
Öll starfsemi tengd gæðum vöru og þjónustu sem deildin veitir eru unnin samkvæmt skráðum verklagsreglum og leiðbeiningum. Hún er framkvæmd við viðeigandi aðstæður sem uppfylla öll gefin skilyrði.

Starfsmenn
Allir starfsmenn rannsóknastofunnar, sem framkvæma verk tengd gæðum vöru og þjónustu sem deildin veitir, hafa til þess viðeigandi fagþekkingu og hafa fengið þjálfun til þeirra verka sem þeim hafa verið falin. Til að uppfylla þessar kröfur hefur verið innleitt símenntunar- og þjálfunarferli á deildinni. Þetta ferli er endurskoðað og reglulega uppfært til að tryggja að allir starfsmenn hafi nauðsynlega þekkingu, þjálfun og hæfni til að framkvæma þau verk sem því hafa verið falin.
Allir starfsmenn verða að þekkja innihald gæðahandbókarinnar og fylgja stefnum og verklagi sem skráð er í handbókinni og tengdum skjölum.
Gæðastjóri ber ábyrgð á stjórnun gæða og veitir ráðgjöf um og hefur eftirlit með öllum þáttum gæða á deildinni.

Aðbúnaður
Deildin leitast við að nota vörur og efni sem eru örugg fyrir starfsmenn, sjúklinga og umhverfið.
Þegar nauðsynlegt er að nota hættuleg efni (eitruð, krabbameinsvaldandi, geislavirk o.s.frv.) er gripið til allra nauðsynlegra varúðaráðstafana til að vernda fólk og umhverfi. Sjá nánar í öryggishandbók.

Ensk útgáfa - English version