../ IS  
Útgefið gæðaskjal: Vinnulýsing
Skjalnúmer: LSH-3293
Útg.dags.: 11/26/2020
Útgáfa: 2.0
27.00.01.02 COVID-19 - móttaka og innlögn sjúklings í einangrun

Útgáfa 2.- breytingar gular
    Hide details for TilgangurTilgangur
    Að lýsa móttöku sjúklings sem er með staðfest COVID-19 smit eða grun um smit á Landspítala.
    Göngu- og/eða dagdeildarþjónusta
    1. Staðfest COVID-19 greining og sjúklingur þarfnast meðhöndlunar/eftirlits vegna COVID-19:
      • Sjúklingur er í símaeftirliti og fær heimavitjun eða kemur á COVID-19 göngudeild í Birkiborg skv. klínísku mati. Sjá verklag á COVID-19 göngudeild.
    2. Grunur um eða staðfest COVID-19 greining og sjúklingur þarfnast meðhöndlunar/eftirlits vegna vandamála sem ekki tengjast COVID-19:
      • Metið í samráði við ráðgefandi/vakthafandi smitsjúkdómalækni hvar meðferð er veitt:
        1. Í gám eða á austurgangi G2 á bráðamóttöku G2 í Fossvogi
        2. Á viðkomandi dag- og/eða göngudeild.

    Bráð óvænt koma vegna COVID-19 smits - 18 ára eða eldri
    Sjúklingur með grun um eða staðfest COVID-19 smit, sem þarfnast meðhöndlunar á sjúkrahúsi vegna veikinda, kemur á bráðamóttöku í Fossvogi eða bráðaþjónustu geðþjónustu. Fylgt er verklagi um:
    Bráð óvænt koma vegna COVID-19 smits - 17 ára og yngri
    Barn með grun um eða staðfest COVID-19 smit sem þarfnast meðhöndlunar á sjúkrahúsi vegna COVID-19 veikinda kemur á bráðamóttöku barna.
    • Ef sjúklingur kemur í afgreiðslu setur starfsmaður strax á sig fínagnagrímu og afhendir sjúklingi og fjölskyldu fínagnagrímur án ventils, vísar þeim út aftur og hefur samband við vaktstjóra hjúkrunar.
    • Snertifletir eru sprittaðir eins og móttökuborð, rofar og hurðarhúnar.
    • Vaktstjóri klæddur viðeigandi hlífðarbúnaði fer út til sjúklings, aðstoðar sjúkling og fjölskyldu við að setja á sig fínagnagrímur og sprittar hendur þeirra.
    • Vaktstjóri metur sjúkling (fyrir utan húsið eða í bíl fjölskyldu):
      1. Útskrifar sjúkling heim í samráði við vakthafandi sérfræðilækni
      2. Tekur sjúkling inn til frekari skoðunar á stofu 6 á 20D, gengið utan frá inn um brunainngang í vesturenda 20D og beint á stofu 6 í snerti- og dropamitseinangrun.
        Ef koma er utan dagvinnutíma má taka sjúkling til skoðunar á 20E og þá er farið inn brunainngang 20E í vesturenda.
    • Móttökuritari hringir á legudeild og Vökudeild og lætur vita um flutning sjúklings með COVID-19 og lokun stigahúss D eða E megin þar til flutningi er lokið.
    • Móttökuritari lætur vita þegar opna má stigahús aftur.
    • Aðeins einn hjúkrunarfræðingur og einn læknir sinna sjúklingi nema ástand hans þarfnist þess að fleiri komi að umönnun hans.
    • Ef barn þarfnast innlagnar er fylgt verklagi um COVID-19 - ferli við innlögn og meðferð barns.

    Bráð óvænt koma vegna ástands ótengt COVID-19 smiti
    Almennt er öllum sjúklingum beint á bráðamóttöku G2 og börnum á bráðamóttöku barna. Konur í fæðingu fara á fæðingarvakt 23B. Sjúklingar með vandamál tengd seinni hluta meðgöngu eða önnur sértæk kvenlækningavandamál fara til meðgönguverndar eða bráðaþjónustu 22A og 22B. Sjúklingar með geðræn vandamál fara á bráðamóttöku geðdeildar.

    Innlögn
Ritstjórn

Ásdís Elfarsdóttir
Lovísa Björk Ólafsdóttir - lovisao
Ólafur Guðlaugsson
Ingunn Steingrímsdóttir - ingunnst

Samþykkjendur

Ábyrgðarmaður

Ásdís Elfarsdóttir

Útgefandi

Ingunn Steingrímsdóttir - ingunnst

Upp »

Skjal fyrst lesið þann 03/26/2020 hefur verið lesið 567 sinnum