../ IS  
Útgefið gæðaskjal: Leiðbeiningar
Skjalnúmer: LSH-3501
Útg.dags.: 07/22/2021
Útgáfa: 4.0
27.00.02.01.05 COVID-19 - vinnusóttkví B-2

Útg. 4 - breytingar á uppsetningu og settar inn leiðbeiningar um sóttkví B-2 fyrir bólusetta starfsmenn. Innihaldsbreytingar litaðar gular
    Hide details for TilgangurTilgangur
    Að lýsa skyldum stjórnanda og starfsmanns þegar starfsmaður er í sóttkví B-2 vegna COVID-19. Upplýsingar um sóttkví B-2 á ensku eru í skjalinu: COVID-19 - quarantine B-2.
    Hide details for Hver framkvæmir og hvenærHver framkvæmir og hvenær
    Stjórnandi sendir beiðni til farsóttarnefndar um undanþágu fyrir starfsmann um leið og ljóst er að þörf sé fyrir vinnuframlag hans.
    Farsóttanefnd sendir undanþágubeiðni til embættis sóttvarnalæknis (SVL) og samþykkir vinnusóttkví B-2 fyrir starfsmann að fenginni undanþágu frá SVL.
    Hide details for FramkvæmdFramkvæmd
    Vinnusóttkví B-2 er beitt þegar vinnuframlag starfsmanns sem hefur verið utan Íslands (íslenskur/erlendur) er nauðsynlegt að mati yfirmanns til að tryggja öryggi sjúklinga og rekstraröryggi þó ekki liggi fyrir tilskilin neikvæð niðurstaða úr PCR sýni fyrir COVID-19. Þessi tegund sóttkvíar á m.a. við sérfræðinga og tæknimenn sem koma erlendis frá í sérstök verkefni á Landspítala.
    Utan starfsstöðvar gilda leiðbeiningar Landlæknis um heimasóttkví þrátt fyrir að undanþága hafi verið veitt til að sækja vinnu.

    Vinnusóttkví B-2 - óbólusettur/hálfbólusettur starfsmaður
    Vinnusóttkví B-2 er beitt ef vinnuframlag óbólusetts eða hálfbólusetts starfsmanns, sem hefur verið utan Íslands (íslenskur/erlendur) og hefur skilað neikvæðu sýni á landamærunum en á eftir að skila seinna skimsýni á 5. degi, er nauðsynlegt. Óbólusettur/hálfbólusettur starfsmaður mætir í sýnatöku skv. boðun frá heilsugæslu og þegar neikvæð niðurstaða úr sýni á 5. degi liggur fyrir lýkur heimasóttkví og sóttkví B-2 og starfsmaður vinnur skv. sóttkví C á Landspítala þar til 14 dagar eru liðnir frá heimkomu.
      Skilyrði fyrir sóttkví B-2 - óbólusettur/hálfbólusettur starfsmaður:
      1. Umsókn um undanþágu hefur verið send og hún samþykkt. Mikilvægt að fylla umsóknina vel út og hafa góðan rökstuðning fyrir undanþágubeiðninni, það flýtir fyrir samþykki hennar.
      2. Önnur úrræði s.s. mönnun með tilfærslu starfsmanna stofnunar eða bakvarðasveit hafi verið könnuð til hlítar og duga ekki til.
      3. Nauðsynleg þörf er fyrir vinnuframlag viðkomandi starfsmanns að mati yfirmanna til að tryggja öryggi skjólstæðinga.
      4. Starfsmaður þarf að hafa neikvæða niðurstöðu úr fyrsta landamærasýni og vera einkennalaus.
      5. Finna þarf húsnæðisúrræði fyrir starfsmann sem uppfyllir skilyrði um húsnæði fyrir heimasóttkví.
      6. Tryggja þarf flutning frá húsnæðisúrræði til og frá Landspítala, t.d. í göngufæri eða með bílaleigubíl.

    Skýringarmynd


    Leiðbeiningar fyrir starfsmenn í sóttkví B-2
    1. Starfsmaður notar hlífðarbúnað í allri umgengni við sjúklinga:
      • Langerma hlífðarslopp
      • Hanska
      • Skurðstofugrímu
    2. Starfsmaður sinnir handhreinsun fyrir og eftir notkun hlífðarbúnaðar, skiptir um hanska eftir samskipti við hvern sjúkling og hlífðarslopp ef hann hefur mengast eða samskiptum við sjúklinga er lokið (t.d. eftir stofugang). Starfsmaður hreinsar hendur fyrir og eftir veru í sameiginlegum rýmum starfsmanna (salerni og kaffistofa).
    3. Í almennum rýmum:
      • Starfsmaður notar skurðstofugrímu öllum stundum
      • Starfsmaður heldur tveggja metra fjarlægð frá öðrum starfsmönnum öllum stundum
      • Heimilt er að taka grímu niður þegar matar og drykkjar er neytt en halda á tveggja metra fjarlægð.
      • Stjórnandi sér til þess að snertifletir í sameiginlegum rýmum þar sem starfsmaður hefur verið eru sprittaðir einu sinni á dag að lágmarki.
    4. Leitast er við að starfsmaður í sóttkví B-2 hafi sér salerni. Ef það er ekki hægt á starfsmaður að spritta alla snertifleti á salerni eftir hverja notkun.
    5. Starfsmaður í sóttkví B-2 sækir ekki önnur rými á Landspítala en nauðsynleg eru starfs hans vegna. Honum er óheimilt að nota skutluna, sækja fundi s.s. fræðslufundi, deildarfundi, kynningarfundi o.s.frv.
    6. Starfsmaður fylgist með einkennum daglega skv. leiðbeiningum um eftirlit með útsettum starfsmönnum fyrir COVID-19. Ef grunur vaknar um COVID-19 smit er fylgt verklagi "starfsmaður fær einkenni sem geta bent til COVID-19".

    Veggspjald um sóttkví B

Ritstjórn

Ásdís Elfarsdóttir
Anna María Þórðardóttir
Lovísa Björk Ólafsdóttir - lovisao
Hólmfríður Erlingsdóttir
Ólafur Guðlaugsson
Ingunn Steingrímsdóttir - ingunnst

Samþykkjendur

Ábyrgðarmaður

Ingunn Steingrímsdóttir - ingunnst

Útgefandi

Ingunn Steingrímsdóttir - ingunnst

Upp »

Skjal fyrst lesið þann 08/21/2020 hefur verið lesið 1127 sinnum