../ IS  
Útgefið gæðaskjal: Vinnulýsing
Skjalnúmer: LSH-3564
Útg.dags.: 05/29/2024
Útgáfa: 6.0
2.02.07 Aðstandendur og fylgdarfólk á bráðamóttöku
    Hide details for TilgangurTilgangur
    Að lýsa reglum um fylgdarfólk/aðstandendur og upplýsingagjöf til þeirra á bráðamóttöku í Fossvogi.
    Hide details for Hver framkvæmir og hvenærHver framkvæmir og hvenær
    Móttökuritari, hjúkrunarfræðingur og/eða læknir á bráðamóttöku sem sinnir sjúklingi hverju sinni.
    Hide details for FramkvæmdFramkvæmd
    Á bráðamóttöku í Fossvogi er ekki unnt að stjórna fjölda sjúklinga á deildinni hverju sinni. Því eru takmarkanir á fjölda aðstandanda í fylgd með sjúklingum. Einn fylgdarmaður/aðstandandi er leyfilegur með hverjum sjúklingi þegar aðstæður leyfa. Vaktstjóri og stjórnandi læknir geta afturkallað leyfi aðstandanda til veru á deildinni til þess að tryggja öryggi. Í undantekningartilfellum getur vaktstjóri eða stjórnandi læknir veitt leyfi til þess að fleiri aðstandendur séu viðstaddir. Er það metið í hverju tilfelli fyrir sig. Ekki er æskilegt að margir aðstandendur skiptist á að koma til sjúklings, heldur heildarfjölda þeirra haldið í lágmarki eins og kostur er.

    Óvissustig, hættustig og neyðarstig
    Þegar spítalinn er á óvissustigi er það mat stjórnenda á bráðamóttöku hvort fylgdarmenn/aðstandendur séu leyfðir á bráðamóttöku. Þegar spítalinn er á hættustigi eða neyðarstigi eru engir fylgdarmenn/aðstandendur leyfðir á bráðamóttöku nema í undantekningartilfellum sem er metið hverju sinni af vaktstjóra og/eða stjórnandi lækni á vakt. Dæmi um undantekningar eru aðstandendur: barna, sjúklinga með vitræna skerðingu, sjúklinga í óráði, sjúklinga með andleg vandamál, sjúklinga í lífsógnandi ástandi.

    Móttaka aðstandenda
    Tekið er á móti aðstandendum og fylgdarfólki af:
    • Móttökuhjúkrunarfræðingi og/eða móttökuritara ef það kemur í gegnum biðstofu
    • Vaktstjóra og/eða móbílum ritara ef það kemur í gegnum sjúkrabílainnkeyrslu

    Aðstandendum og fylgdarfólki eru kynntar reglur Landspítala um sýkingarvarnir og þagnaskyldu. Það er mikilvægt að aðstandendur og aðrir heimsóknargestir ræði ekki það sem þeir verða vitni að á deildinni varðandi aðra sjúklinga og þeirra fjölskyldur.

    Börn undir 12 ára aldri eiga ekki að vera inn á meðferðarsvæði nema þá sem sjúklingar eða í undantekningartilvikum með leyfi vaktstjóra eða stjórnandi læknis.

    Samskipti við aðstandendur í gegnum síma
    Æskilegt er að aðstandandi/fylgdarmaður sem er með sjúklingi á bráðamóttöku upplýsi aðra fjölskyldumeðlimi um gang mála í samráði við sjúkling.
    Ef aðstandendur hringja á bráðamóttöku og óska eftir upplýsingum, hefur heilbrigðisstarfsmaður samskipti við þá að gefnu leyfi sjúklings.

    Aðstandandi sjúklings hringir á bráðamóttöku í leit að upplýsingum
    Móttökuritari hvetur aðstandenda til að leita upplýsinga beint til sjúklings eða fylgdarmanns sjúklings sé hann til staðar. Sé það ekki hægt fær móttökuritari nafn viðkomandi og athugar í afgreiðslukerfi Sögu hvort hann sé skráður sem aðstandandi sjúklings sem má veita upplýsingar. Megi viðkomandi ekki fá upplýsingar skv. skráningu, leggur móttökuritari til að viðkomandi hafi samband beint við sjúkling eða þann sem hann telur að sé nánasti aðstandandi.

    Upplýsingar sem móttökuritari skráir í skilaboð til læknis/hjúkrunarfræðings viðkomandi sjúklings í gegnum skjáborð Heilsugáttar eru:
    • Nafn og símanúmer þess sem óskar eftir upplýsingum
    • Klukkan hvað viðkomandi hringdi
    • Tengsl hans við sjúklinginn
    • Hvort viðkomandi sé merktur sem upplýsingaaðili

    Læknir/hjúkrunarfræðingur hringir til baka í aðstandenda eins fljótt og aðstæður leyfa. Þegar spítalinn er á hættustigi eða neyðarstigi og það er heimsóknabann á bráðamóttöku eru samskipti við aðstandendur sérstaklega mikilvæg.

    Ef aðstandandi er ekki merktur sem upplýsingaaðili, á læknir/hjúkrunarfræðingur samtal við sjúkling um hvort veita megi viðkomandi upplýsingar. Samþykki sjúklingur að viðkomandi megi fá upplýsingar, breytir læknir/hjúkrunarfræðingur/móttökuritari skráningu um upplýsingaaðila í afgreiðslukerfi Sögu. Samþykki sjúklingur ekki að viðkomandi aðstandandi megi fá upplýsingar, upplýsir læknir/hjúkrunarfræðingur aðstandandann um það ef tækifæri gefst.

    Veggspjald
    Aðstandendur og fylgdarmenn á bráðamóttöku_veggspjald_júní_2024.pdfAðstandendur og fylgdarmenn á bráðamóttöku_veggspjald_júní_2024.pdf

Ritstjórn

Ágústa Hjördís Kristinsdóttir - ahjordis
Heiða Björk Gunnlaugsdóttir
Hjalti Már Björnsson - hjaltimb
Mikael Smári Mikaelsson - mikaelsm
Zineta Pidzo - zineta
Þórdís Edda Hjartardóttir - thordise

Samþykkjendur

Ábyrgðarmaður

Ágústa Hjördís Kristinsdóttir - ahjordis

Útgefandi

Heiða Björk Gunnlaugsdóttir

Upp »

Skjal fyrst lesið þann 04/21/2021 hefur verið lesið 721 sinnum